მიმდინარე წლის „გრემისა" და სხვა მრავალი მუსიკალური დაჯილდოების ფავორიტმა ადელმა განცხადება გააკეთა: მომღერალი თავისი საქმროს საიმონ კენეკისგან ბავშვს ელოდება. შემსრულებელმა გადაწყვიტა, ორსულობის შესახებ საზოგადოებისთვის თავადვე ეცნობებინა. „მე და საიმონი ჩვენს პირველ შვილს ველოდებით. მინდოდა, ეს ამბავი ჩემგან გაგეგოთ. ბუნებრივია, სიხარულისგან მეცხრე ცაზე ვართ და ძალიან ვღელავთ, ამიტომ გთხოვთ, ჩემთვის ამ უმნიშვნელოვანეს პერიოდში ჩემი პირადი ცხოვრების უფლებას პატივი სცეთ! მუდამ თქვენი ადელი!" - მომღერალმა ამ სიტყვებით თაყვანისმცემლებს თავისი ოფიციალური საიტიდან მიმართა. ვარსკვლავის შეყვარებული ბიზნესმენია. იგი ინგლისურ კომპანია „Life Water"-ის ერთ-ერთი დამფუძნებელია, რომელიც სასმელ წყალს უშვებს. მან ადელი თავისი კომპანიის მიერ ორგანიზებულ საქველმოქმედო საღამოზე გაიცნო. 36 წლის საიმონი უკვე გახლდათ დაოჯახებული. ოთხი წლის წინ ის პირველ ცოლს გაშორდა. მომღერალი და კონეკი ნახევარი წელია, რაც ერთმანეთს ხვდებიან.