 ნია, 15 წლის: "მასწავლებელმა ძალიან გამაბრაზა. ის გამუდმებით ცდილობს, რომ დამამციროს, კლასელების თვალში უვიცად გამომაჩინოს. არადა, მართლა ვერ ვხვდები, რას მერჩის:
საშინაო დავალებას ყოველთვის ვამზადებ; როცა დაფასთან გავყავარ, გაკვეთილსაც ვყვები და მის მიერ დასმულ შეკითხვებსაც თითქმის ყოველთვის ვპასუხობ, მაგრამ ის ისეთ რაღაცებსაც ხშირად მეკითხება, რაც ქართულ ლიტერატურას საერთოდ არ ეხება და ამით ცდილობს, ჩამჭრას.
არ მესმის, რატომ გადამეკიდა ან საერთოდ, აქვს თუ არა უფლება, იმის ცოდნა მომთხოვოს, რაც ჩემთვის თავად არ უსწავლებია და არც მის საგანს ეხება? მირჩიეთ რამე, თორემ უკვე აღარ ვიცი, როგორ მოვიქცე...
P.S. ამ ყველაფრის მიზეზი ის მგონია, რომ სხვებისგან განსხვავებით, ჩემი მშობლები მას საჩუქრებს ვერ უკეთებენ. რა ქნან, ამის საშუალება არ აქვთ და ამიტომ უნდა დავიჩაგრო?...
საინტერესოა, თქვენს სკოლებშიც თუ ხდება მსგავსი რამ. იმაზეც ვფიქრობ, სადმე სხვაგან ხომ არ გადავიდე-მეთქი, არადა, კლასელები არ მეთმობა... წარმატებები!" |
