სოულ-სენსაციის, ადელის ბიოგრაფიული წიგნი სულ მალე ყველასთვის ხელმისაწვდომი გახდება. მომღერლის ცხოვრების ისტორია გაყიდვაში ივლისში გამოვა.
წიგნის ავტორია ბიოგრაფი მარკ შაპირო, რომელსაც ეკუთვნის კანადელი მომღერლის, ჯასტინ ბიბერის ბიოგრაფია.
ბიოგრაფის განცხადებით, წიგნში მომღერლის ცხოვრება ყოველგვარი
გაზვიადების გარეშეა მოთხრობილი. „მე ავღწერე ადელის ცხოვრება ბავშვობიდან
დღემდე. ვერ გავაკვირვებ მკითხველს სენსაციებით. ის დღემდე ყველაზე
წარმატებული ტოტენჰემელი გოგონაა" - აცხადებს შაპირო.
შეგახსენებთ, რომ ცოტა ხნის წინ ადელმა წარუმატებლობის გემოც იგემა.
ჟურნალის „Vogue" ნომერი, რომელსაც ადელის ფოტო ამშვენებდა გარეკანზე,
გამომცემლობის ისტორიაში ერთ-ერთი ყველაზე რთულად გაყიდვადი აღმოჩნდა.
აღსანიშნავია, რომ მარკმა ადელს წიგნისთვის ინტერვიუც სთხოვა, თუმცა
უარი მიიღო. 24 წლის ადელი პირად ცხოვრებას მალავს. მომღერლის წარსულს მისი
თაყვანისმცემლები, მისსავე ალბომებში შესული სიმღერის ტექსტებიდან იგებენ.
| 
