იმისათვის, რომ „Dolce & Gabbana"-ს ოტ კუტიურის სადებიუტო კოლექციას დასწრებოდნენ, სიცილიამდე ჩასაფრენი ბილეთები მსოფლიო ვარსკვლავებმა სკარლეტ იოჰანსონმა, ნაომი კემპბელმა და სტეფანი სეიუმურმა შეიძინეს. 73 ნამუშევრისაგან შემდგარი კოლექციის დახურული ჩვენება ყოფილი მონასტრის ტერიტორიაზე, მკაცრად გასაიდუმლოებულ გარემოში გაიმართა. მოსაწვევები მხოლოდ რჩეულებს გაუგზავნეს, ხოლო ფართო საზოგადოებას კიდევ რამდენიმე თვე მოუწევს ლოდინი იმისათვის, რომ კოლექცია სრულად იხილონ. სტუმრებს ისიც კი აუკრძალეს, რომ გადაღებული ფოტოები ტვიტერში გამოექვეყნებინათ.დოლჩე და გაბანას მოდის სახლის ოცდაშვიდწლიანი არსებობის ისტორიაში დიზაინერებმა პირველად შექმნეს ოტ კუტიურის კოლექცია, რომელსაც „Alta Moda" ეწოდა. სამოსი რამდენიმე თვის განმავლობაში მილანში მდებარე ახალ ატელიეში იკერებოდა. „ჩვენი მიზანი არა რაიმე ახლის, არამედ მშვენიერის, განსაკუთრებულისა და უნიკალურის შექმნა იყო", - აცხადებს სტეფანო გაბანა.

ფოტოები რომელიც  ძლივს მოვიპოვე: